Hottentotsholland
die handvol vere
pof uit tot ‘n donsige kraag
oor jou skouers gedrapeer
die koel noordweswindjie jaag vooruit
en kondig aan
pasop
hier sak nou-nou
‘n lekker buitjie uit
staproetes
tussen fynbos en heide
word ‘n ontdekkingstog
en langs die pad
vermaan borde
dat braaivleisvuurtjies
verwoestend
met vuur en vlam
kan weghol
en ‘n brandpad
oopvreet
teen sonsondergang
lê die perspienk hange
met grys en diepblou skadu’s
vol misterie
ingekleur
en saans met met skemer
begin liggies
flonker
vanaf Steenbrasdam se uitkykkant
No comments:
Post a Comment